CLUB NARRATIVA

 O pasado mércores tivemos a  reunión do terceiro trimestre  do club de  lectura  de  narrativa. Puxemos  en común  a  tres lecturas realizadas  e repartimos agasallos  aos participantes do club.

CLUB MANGA

 O pasado luns tivemos a  reunión do club de  lectura  manga . Os rapaces  puxeron  en común  as lecturas que  ao longo trimestre  fixeron  . Con  esta reunión damos  por  rematado o club manga  deste curso.

CLUB DE LECTURA ADULTOS 3

Hoxe tivemos a  xuntanza do Club de Lectura  de  adultos. Esta foi a  terceira e derradeira xuntanza do curso.
Nesta  ocasión a lectura  que compartimos foi Todo chega  desde  o mar do vigués Santiago Ferragud.
A  visita  do autor fixo moi interesante esta  xuntanza, Literatura  , poesía e música  uníronse para  despedir este  club de lectura  ata o próximo curso.
                                                           

                                           

                                            

                                               Todo chega  desde o mar 

En 1972, a pesar das severas restricións da ditadura, unha folga do metal conseguiu paralizar Vigo durante máis de dúas semanas. Tres anos máis tarde, algúns daqueles folguistas fundaron GRAPO e, desde Madrid, estenderon as súas accións por todo o Estado, aínda que mantiveron sempre unha morbosa nostalxia cara a Vigo.
Esta novela conta o encontro entre dúas mulleres: Irene, contemporánea da folga do 72, profesora na universidade, a piques de xubilarse; e Xoana, unha nova licenciada, recentemente chegada a Vigo; diferentes por xeneración e por vivencias, moi pronto lles unirá a paixón pola historia da cidade.

  Santiago Ferragud 

Santiago Alonso Ferragud, coñecido como Santiago Ferragud, nado en Vigo o 23 de xaneiro de 1949, é un músico e escritor galego.

Estudou na Escola de Peritos de Vigo, traballou nas empresas auxiliares dos estaleiros e tamén de funcionario municipal.

En 1965 fundou a banda de rock and roll Los Temples.

En 2011 fundou Xardín desordenado na que musicaron textos de diferentes autores galegos, como Carlos Casares e María Victoria Moreno.

Todo chega desde o mar (2022) é a súa primeira novela: na que aparecen a folga do metal de Vigo, o GRAPO, e outros episodios da historia de Vigo.

                               Santiago Ferragud 

Santiago Alonso Ferragud, coñecido como Santiago Ferragud, nado en Vigo o 23 de xaneiro de 1949, é un músico e escritor galego.

Estudou na Escola de Peritos de Vigo, traballou nas empresas auxiliares dos estaleiros e tamén de funcionario municipal.

En 1965 fundou a banda de rock and roll Los Temples.

En 2011 fundou Xardín desordenado na que musicaron textos de diferentes autores galegos, como Carlos Casares e María Victoria Moreno.

Todo chega desde o mar (2022) é a súa primeira novela: na que aparecen a folga do metal de Vigo, o GRAPO, e outros episodios da historia de Vigo.